Monday, October 10, 2011

பேருந்து நிமிடங்களில்...

திருவிழா அரங்க முகப்பில்
குலை தள்ளிய வாழைகளாக
வாயில்களில் தொங்கும் கூட்டம்!
---

டிக்கெட்டுக்காகக் கொடுத்தனுப்பும் பணம்
நல்வாய்ப்பாக ஆசிர்வதிக்கப்படும்
அழகிய பெண்ணின் கரத்தால்!
---

பறக்கவில்லை
ஊர்ந்துதான் செல்கிறது
சிக்னல்கள்தோறும் கவுண்ட் டவுன்!
---

வழிநெடுக ஒட்டப்பட்ட போஸ்டர்களும்
சிறுநீர் கழிக்காதே எச்சரிக்கையும்
திரும்பத் திரும்ப வாசிக்கப்படும்!
---

பயணச்சீட்ட்டு வங்கிய குற்றவாளிகளால்
தள்ளப்படும்
மா"நகரா"ப் பேருந்துகள்!
---

பக்கத்து இருக்கையில் அமர்ந்து
தூங்கிச் சரிபவரின்
கனவைக் கலைத்தபடி நான்!

5 comments:

Rathnavel said...

அருமை

வத்திராயிருப்பு தெ. சு. கவுதமன் said...

உங்கள் விமர்சனத்திற்கு நன்றி!

அரவிந்த் குமார்.பா said...

அத்தனையும் முத்துக்கள்..!
(அண்ணே..அப்புறம் நாங்ககூட ரெங்கப்பநாயக்கர்பட்டிதான்..)

விஜி said...

அந்த நிமிடங்கள் பேருந்து பயனத்திலேயே முடியாமல் தொடர்ந்தால் சரி...

வத்திராயிருப்பு தெ. சு. கவுதமன் said...

:)