காதல் உலாவும் வீதி!

நம் பாதச்சுவடுகளை
அழித்து அழித்து
களைத்துப் போயின அலைகள்!
வா! வீடு திரும்புவோம்!
.......................................................
மணிக்கணக்கில் பேசினாலும்
பேச மறந்த ஏதோ ஒன்று
மனதை உறுத்தும்!
.......................................................
உன்னைப் பிடிக்கும்;
உனக்குப் பிடித்ததால்
என்னையும் பிடிக்கும்!
.......................................................
நீ அனுப்பிய குறுஞ்செய்தியை
பலமுறை படித்திருக்கிறேன்;
மிகவும் அருமை" என்று
முதல்முறை பதில் அனுப்பினேன்!
.......................................................
காதல் அழகானது;
அதை அணிந்து கொண்டால்
நாமும்!
.......................................................
தாஜ்மஹால் கட்டுவது இருக்கட்டும்...
முதலில்
தாலி கட்டுங்கள்!