கோடை விடுமுறையின்
உச்சகட்டக் கொண்டாட்டத்தில்
தெருவெங்கும்
பறக்கும் பந்துகளைத்
தடுக்கும் சிறுவர்கள்...
தயவுசெய்து
தெருவில் நடக்காதீர்கள்!
உழைக்கப் பயந்து
வீட்டினுள் முடங்கும்
சொம்பேறிகளையும்
உழைக்கமலேயே
உடல் வியர்க்க வைக்கும்;
நம்மை வியக்க வைக்கும்!
வியர்வையை ஒற்றி ஒற்றி
கைக்குட்டைகள்
நீர் நிரம்பிய
குட்டைகளாகச சொட்டியபடி!
சொட்டுநீர் சேகரித்தால்
வீராணத்தை நிரப்பலாம்!
வீட்டுத் தொலைக்காட்சிகளில்
ஷாருக்கான் முதல்
நம்மூர் திரிஷா வரை
வெயிலை விரட்டிட
யோசனை சொல்கிறார்கள்;
விஞ்ஞான ரீதியாக அல்ல,
விளம்பரரீதியாக!
ரேடியோ மிர்ச்சி மட்டுமல்ல
சூரியனும் கூட
இப்போ
செம ஹாட் மச்சி!
1 comment:
நல்ல கருத்து நண்பரே
எழுத்து பிழை தவிர்க்கலாம்
இங்கயும் த்ரிஷா வ விடலையா?
Post a Comment