Thursday, January 19, 2012

லாஸ்ட் பெஞ்ச் குறிப்புகள்!


பள்ளிக்கூடத்தின் சுற்றுச் சுவருக்கு
வரப்போகும் பொங்கலுக்காக
அடித்த வெள்ளையில்
காணாமல் போயின
நான் உருவாக்கிய
காதலர் சாம்ராஜ்யங்கள்!
******
தரையில் உட்கார்ந்த எனக்கு
உயர்நிலைப் பள்ளியில்
பெஞ்சு போட்டுக் கொடுத்தார்கள்;
அப்போதும் நிறுத்தவில்லை
அடிப்பதை மட்டும்!
******
ஓட்டை உடைசல் பெஞ்ச்சை
கடைசி வரிசையில்தான்
போட்டு வைத்திருக்கிறார்கள்;
எந்த வகுப்பிலும்
நல்ல பெஞ்ச் கிடைத்ததேயில்லை!
******
'மகா'விடம் அடிக்கடி வழியும்
சயின்சு வாத்தியாரை
கல்லால் அடித்தது யாரென்று
கடைசி வரை தெரியவேயில்லை;
இருந்தும்
என் மீது சந்தேகம் தீரவில்லை!
******
என்னொட ஸ்கேலை வாங்கி
என்னையே அடித்து
உடைத்த ஆசிரியரும் உண்டு;
உடைத்த ஸ்கேலை ஒருபோதும்
வாங்கித் தந்ததில்லை!
******
வகுப்பு வாத்தியாராக
வரக்கூடாதென்று
அனைவராலும் வேண்டப்படும்
கண்ணா வாத்தியார் மட்டும்
ஹெட்மாஸ்டரிடம்
வேண்டிக் கேட்டுக்கொண்டார்
இவனை வேற செக்சனுக்கு
மாத்திடுங்க என்று!

3 comments:

Rathnavel said...

'மகா'விடம் அடிக்கடி வழியும்
சயின்சு வாத்தியாரை
கல்லால் அடித்தது யாரென்று
கடைசி வரை தெரியவேயில்லை;
இருந்தும்
என் மீது சந்தேகம் தீரவில்லை!

அருமையான கவிதைகள்.
வாழ்த்துகள்.

வத்திராயிருப்பு தெ. சு. கவுதமன் said...

நன்றி நண்பரே
:)

Swapna 2v said...

hii.. Nice Post

Thanks for sharing

More Entertainment

For latest stills videos visit ..